Афсонавий баскетболчи Майкл Жордан миллиардерлар рўйхатидан жой эгаллади, дея хабар бермоқда s-port.uz сайти.
2003 йилда спортчилик фаолиятини якунлаган "Чикаго Булз"нинг собиқ ўйинчиси Форбс журнали томонидан эълон қилинган жаҳон бойлари рейтингида 1741-ўринни банд этган.
Маълумотларга кўра, Жордан илгари бу рўйхатда бўлмаган ва янги қўшилган 289 нафар миллиардерлар қаторида бўлган.
Эслатиб ўтамиз, Майкл Жордан спортчилик фаолияти давомида икки марта олимпиада, 6 марта МБА чемпиони бўлган. 2009 йилда Баскетбол шон-шуҳрати музейидан жой эгаллаган.
