"Ювентус" яримҳимоячиси Поль Погба "ПСЖ"га ўтишга розилик билдирди, дея хабар беради Le10Sport.
21 ёшли футболчи янги жамоасида йилига 10 миллион евро олади, бу ҳозир Турин жамоасида олаётганидан икки баробар кўпдир. Аввалроқ, футболчининг агенти Мино Райола мижозининг Франция чемпионатида иштирок этиши мумкинлигини айтган эди.
Энди клубларнинг келишуви қолди, холос. Парижликлар учун молиявий фэйр-плей муаммо бўлиши мумкин, чунки футболчининг овон пули 100 миллион еврога баҳоланган.
"Ювентус" бош директори, жамоа ўйинини Погба атрофига қурилишини маълум қилган эди.