"Арсенал" бош мураббийи Арсен Венгер ўзининг Лондон жамоасидан кетиши ҳақида фикр билдирди.
"Олдинда бизни нима кутиб турганини билмаймиз, ҳаёт шунинг учун ҳам қизиқарли. Мен эса шу ишимда бўламан ва бу клуб учун қўлимдан келган хизматни бажараман.
Клубни яхши аҳволда тарк этмоқчиман. Мен яхши футболчилар, яхши ёш футболчилар ва яхши молиявий имкониятларни назарда тутмоқдаман. Мен буни бажараман, менга ишонинг.
Мендан кейин келадиган мураббий катта ғалабага эришиш учун жиддий имкониятга эга бўлади", - дейди Венгер.
Эслатиб ўтамиз, франциялик мутахассис "Арсенал"ни 1996 йилдан буён бошқариб келмоқда. Бу даврда у жамоа билан беш марта Кубок соҳиби, 5 марта Англия суперкубоги бўлган, уч марта Англия чемпионлигига эришган. Охирги соврин - Англия кубогини тўққиз йиллик совринсиз даврдан сўнг қўлга киритилди.
