Ҳамюртимиз Фаррух Дўстов Франциянинг Куимпер шаҳрида якунига етиб бораётган теннис бўйича “Челленжер” туркумига кирувчи, соврин жамғармаси 42 минг 500 евродан иборат бўлган турнирдаги иштирокини ярим финалда тўхтатди.
Мамлакатимизнинг иккинчи ракеткаси дунё рейтингида 107-поғонада бораётган француз теннисчиси Бенуа Пэрга қарши кортга чиқиб, 4:6, 2:6 ҳисобида имкониятни бой бериб қўйди. Таққослаш учун, Дўстов ATP рейтингида 106-ўринни эгаллаб турибди. Пэр эса 2013 йили дунёнинг 24-ракеткаси ҳам бўлганди.
