Тошкентнинг "Локомотив" клуби ҳужумчиси Руслан Корян илк марта Арманистон миллий терма жамоасидан таклифнома олди. Бу ҳақда news.am веб-сайтига асосланиб, Stadion.uz хабар тарқатди.
Арманистон терма жамоаси 29 март куни Евро-2016 саралаш босқичи доирасида Албанияга қарши учрашувда майдонга тушади. Терма жамоа бош мураббийи Бернар Шалланд мазкур ўйинга тайёргарлик учун 17 нафар легионерни таклиф этган.
Эслатиб ўтамиз, Руслан Корян арман миллатига мансуб футболчи бўлса-да, Россия ва Украина фуқаролигига эга, аммо ҳали бирорта терма жамоада ўйнамаган. Арманистон терма жамоаси эса уни илк марта ўз сафига чорлади.
