«Манчестер Юнайтед» бош мураббийи Луи ван Гал Англия кубоги чорак финал босқичи доирасида «Арсенал»га қарши ўйин (1:2) борасида ўз фикрларини билдириб ўтди.
«Аввал ҳам айтиб ўтганимдек, бизнинг асосий мақсадимиз — Премьер-лигада кучли тўртликка кириш. Аммо мураббий сифатида мен совринни қўлга киритишни истайман. Буни футболчилар ва клуб ҳам истайди, бироқ энди биз Англия кубогида ғолиб чиқа олмаймиз.
Кийиниш хонасида футболчиларга ўйинни ўзимиз бой берганимизни айтдим. Бундан ҳафсаламиз пир бўлди. Иккинчи бўлимда ҳисобда олдинга чиқиб олишимиз мумкин эди, аммо имкониятдан фойдалана олмадик. Биз рақибга эмас, ўзимизга ютқаздик. Шу томони бизни ранжитди. Биз ғалаба учун ўйнадик, «Арсенал»ни мағлуб этиб, ярим финалга чиқишни истагандик», – дейди ван Гал.
