"Арсенал" бош мураббийи Арсен Венгер Анггия кубогининг яримфиналида "Манчестер Юнайтед" устидан қозонилган ғалабадан сўнг (2:1) фикрлари билан ўртоқлашди.
"Ўтган йили Уэмблида яримфиналнинг қийин учрашувини ўтказган эди ва бу йил ҳам шуни кутган эдик. Бу сафар яхши ўйнадик ва ғалабага лойиқ бўлдик деб ўйлайман. Без юқори тезликда чўчимасдан ўйнашимиз керак эди ва буни уддаладик.Дэнни Уэлбек гол урганидан хурсанд деб ўйлайман. У майдонда қаттиқ ишлади ва гол уришга лойиқ бўлди.
Биз реал дунёда яшаяпмиз ва барча мусобақаларда курашни давом эттирмоқчимиз. Бугунги ғалаба премьер-лига ва Монакодаги ўйин олдидан бизга куч беради", - дейди Венгер.
Эслатиб ўтамиз,"Арсенал" чемпионлар лигасининг 1/8 финалида "Монако" билан сафарда жавоб учрашуви ўтказади, биринчи учрашувда лондонликлар ўз майдонларида 1:3 ҳисобида мағлуб бўлганлар.
