"Шальке" бош мураббийи Роберто Ди Маттео чемпионлар лигасининг 1/8 финали жавоб учрашувида "Реал" устидан қозонилган ғалабадан сўнг (4:3) фикрларини билдирди.
"Биз мусобақани давом эттириш ҳақида орзу қилган эдик ва ажойиб ўйин ўтказдик. Аммо бизга тўртта гол ҳам камлик қилди. Бу икки хил ҳиссиёт. Криштиану Роналду биринчи ўйинда ҳам ҳал қилувчи роль ўйнаган эди, бугун ҳам шундай бўлди.
Биз "Реал"га жиддий муаммо туғдирдик. Аммо Анчелотти топ-савиядаги мураббийлигича қолмоқда. У вазиятдан қандай чиқишни билади. Жамоамиз ёш, аммо йигитлар бор кучлари билан ўйнашди.
Ўйин охиридаги ҳуштакбозлик? "Реал" ҳар доим катта босим остида бўлади, мухлислар эса, ўз фикрларини билдиришга ҳақлилар", - дейди Ди Маттео.
