"Насаф" Олий лигани ғалаба билан бошлади. Қаршиликлар ўз майдонларида "Андижон" жамоасини 3:1 ҳисобида мағлуб этдилар.

Ўтган йилги мавсум тўпурари Артур Геворкян ўйинда дублга эришган бўлса, украиналик легионер Александр Каблаш "Насаф"даги ўз голлари ҳисобини очди. "Андижон"нинг ягона голи Рустам Аъзамов ҳисобига ёзилди.

Рўзиқул Бердиев шогирдлари ўз ҳисобларига 3 очкони қўшиб қўйишди ва мусобақа жадвалини бошқарадиган бўлишди.

Олий лига, 1-тур 12.03.2015 й.
“Насаф” – “Андижон” 3:1 (2:0)
Голлар: Артур Геворкян (21, 45+1), Олександр Каблаш (54) — Рустам Аъзамов (67)
“Насаф”: 30.Ўткир Юсупов, 5.Ботир Қораев, 9.Илҳом Шомуродов, 15.Рой Рок, 17. Артур Геворкян, 18.Баҳром Абдураҳимов (Шоҳруҳ Гадоев 75), 20.Эркин Бойдуллаев, 23.Шерзод Аъзамов, 27.Илҳом Юнусов (Акрам Баҳриддинов 60), 28.Шуҳрат Муҳаммадиев, 99. Олександир Каблаш (Фаррух Сайфиев 83).
“Андижон”: 12.Геннадий Мошняга, 3.Давронбек Турсунов, 4.Раҳимхон Қодиров, 6.Иброҳим Отахонов, 10.Предраг Вуйович, 17.Тимур Васильев, 18.Рустам Аъзамов, 22.Иқбол Акрамов (20.Сайфиддин Ғаффаров 30), 23.Санжар Асқаралиев (11.Абдумалик Абдуллаев 46), 28. Расулхон Раҳмонов, 70. Фаррух Шотурсунов.
Ҳакамлар: Мурод Муҳаммедов, Андрей Цапенко, Руслан Серазиддинов, Исҳақ Ибрагимов
Назоратчи: Сардор Нажафалиев