18 март куни "Пахтакор" Чемпионлар лигасининг 3-турида БААнинг "Ал Айн" клубини қабул қилади.

Жамоа ҳозиргача БАА клубларига қарши Осиё клублар мусобақаларида 12 марта тўқнаш келган ва уларнинг барчаси ОЧЛ доирасида рўй берган. Ўша баҳсларда "Пахтакор" 8 ғалаба, 2 дуранг ва 2 мағлубиятни қайд этган. 20 гол уриб, 11 тўп ўтказиб юборган.

"Ал Айн" билан 2010 йил гуруҳ босқичида майдонга тушиб, Тошкентда 3:2 ва Ал Айнда 1:0 ҳисобида ғалабалар қўлга киритилган. Шунингдек, "Ал Шабаб" (1:2, 1:0), "Ал Ваҳда" (4:0, 1:1), "Ал Аҳли" (2:0, 2:1, 3:2, 1:0) ва "Банияс" (1:1, 0:2) клублари билан куч синашилган. Тошкентда 4 ғалаба, 1 дуранг ва 1 мағлубият кузатилган.

"Пахтакор" - "Ал Айн" учрашуви 18 март, чоршанба куни "Пахтакор" Марказий стадионида соат 17:00да бошланади.