Гандбол бўйича Ўзбекистон аёллар терма жамоаси жорий йилнинг 12-24 март кунлари Индонезияда ўтказиладиган Осиё чемпионатида иштирок этиш учун Жакарта шаҳрига жўнаб кетди. Терма жамоамиз Хитой, Индонезия ва Гонконг термалари билан бир гуруҳдан жой олган.
Ҳамюртларимиз гуруҳдаги дастлабки учрашувни 15 март куни хитойлик гандболчиларга қарши ўтказадилар. Иккинчи тур ўйинлари 17 март куни ўтказилади ва шу куни вакилларимиз Гонконг термаси билан баҳс юритадилар. Терма жамоамиз гуруҳдаги навбатдаги ўйинни 19 март санасида Индонезия терма жамоасига қарши ўтказади.
Мазкур жаҳон чемпионатида 1-3 ўринларни эгаллаган терма жамоалар шу йилнинг декабр ойида Данияда ўтказиладиган жаҳон чемпионатига тўғридан-тўғри йўлланма олишади. Бронза медали учун баҳсда мағлуб бўлган терма жамоа эса плей-оффда бошқа қитъа жамоаси билан йўлланма тақдирини ҳал қилади.
