Мадриднинг "Реал" клуби ярим ҳимоячиси Сами Хедира Гельзенкирхеннинг "Шальке-04"га ўтишга қарор қилди. "Marca" нашрининг хабар беришича, ярим ҳимоячи ва клуб ўзаро келишувга эришишган, фақат расмий маълумот ёзда эълон қилинади.
27 ёшли футболчининг "Реал" билан амалдаги шартномаси шу йилнинг 30 июнь куни якунига етади. Хедира "Шальке" эркин агент сифатида ўтади.
Хедира ушбу мавсумда "Қироллик клуби"да кўп ўйин амалиётига эга бўлмаяпти. Майдон тушган ўйинларида эса танқидга учрамоқда. Хедира сўнгги марта майдонга тушган ўйинда "Реал" ўз майдонида "Шальке"га ютқазди (3:4).
Сами Хедирага "Бавария" ва "Арсенал" ҳам қизиқиш билдиришганди.
