Kirish Ro'yxatdan o'tish
29/07 20:00 Dinamo 3-2 Qo‘qon-1912

Blog

Abdumajid Qodirov

O‘zbekiston futboli jahonda!

Карлос Кейрушнинг «айёрона» тактикаси

Баҳо:
+1; -0

Азиз мухлислар, биз мухлислар учун ҳаяжонли дамлар яқинлашиб келмоқда.

Хабарингиз бор, бугун 14 ноябрь куни Теҳрон шаҳрининг «Озодий» стадионида жаҳон чемпионати саралаш босқичининг навбатдаги тур уйини бўлиб ўтади. Миллий терма жамоамиз Эрон термасига қарши биз учун жуда муҳим бўлган учрашувда майдонга тушади. Агар ғалаба қозонсак жаҳон чемпионатига чикиш имкониятимиз янада ошади, бу яхши албатта. Ҳар қандай дуранг натижа ҳам унча ёмон эмас. Лекин, мағлубиятга учрайдиган бўлсак, жаҳон чемпионатига чиқишимиз қийинлашади, буни албатта милий терма жамоа мураббийлар штаби ҳам, футболчиларимиз ҳам ҳис қилиб туришибди.

Эрон термасининг аввалги иккита ғалабасида Карлос Кейрушнинг «айёрона» тактикасига оддий мухлис сифатида шунга гувоҳ бўлдимки, сизларга бир бошдан айтиб кетай.

Нима экан дейсизми, бўлмаса эшитинг.

Эрон термаси ана шу иккита ғалабада минимал ҳисобини қайд этиб, рақибидан устун келган. Тошкентда ўтган биринчи тур ўининида футболчиларимиз ўз мухлислари кўз ўнгида ғалаба қозонишни жуда ҳам исташган эди. Иккинчи таймда устунлик биз томонда бўлса-да, биз мағлубиятга учрадик. Бунга сабаб, Эрон термаси бош мураббийи Карлос Кейрушниниг ишлатган «айёрона» тактикаси деб биламан. Ўйиннинг 62-дақиқасида ҳимоячи Эҳсон Ҳожисафий ўрнига ҳужумчи Муҳаммад Ризо Халатбарийни захирадан майдонга туширди. Ким ҳам меҳмонда ўйнаётиб, ҳимоячи ўрнига ҳужумчини ўйинга туширар эди-а, ўзи дуранг булаётган бир пайтда? Лекин Карлос Кейруш эса меҳмонда ўйнаётганига қарамасдан, қўрқмасдан ҳимоячи ўрнига ҳужумчи тушириб адашмаган эди. Бу ўзгариш оддий кўрингани билан якунда нима бўлганини ҳаммамиз биламиз.

Энди Эрон термасининг ўз майдонида Жанубий Кореяга қарши ўйинига тўхталиб ўтсам. Адашмасам, иккинчи таймнинг 56-дақиқасида кутилмаганда Эрон термаси бир ўйинчи кам бўлиб ўйнашга тўғри келади. Шунга қарамасдан, Карлос Кейруш ўша эски «айёрона» тактикасини қўллашга киришади. Ўзи шундоғам майдонда бир киши кам бўлиб уйнаётган бир пайтда ўйиннинг 69-дақиқасида ярим ҳимоячи Ризо Ғучаннод Нурниа ўрнига яна ўша ҳужумчи Муҳаммадризо Халатбарийни захирадан майдонга туширади. Бу футболчи гол урмаса-да, жамоасининг ғалабасига ўз ҳиссасини қўшди деб ўйлайман.Аслини олганда, айрим мураббийлар жамоаси бир киши кам бўлиб қолганда асосан ўша пайтдаги ҳисобни ушлаб қолишга уринади. Карлос Кейрушнинг захирадан майдонга ўйинчи тушириши оддийгина кўрингани билан, бу унинг навбатдаги «айёрона» тактикаси эди, менимча.

Бизнинг миллий терма жамоа мураббийлар штаби ана шу оддийгина кўринган захира алмаштирилишига ҳам эътибор қаратишса, мақсадга мувофиқ бўлармиди, буёғи энди мураббийларимизга ҳавола.

Мен ҳам Ўзбекистон фарзандиман. Миллий терма жамоамизнинг жаҳон чемпионатига боришини чин дилдан хоҳлайман ва мамлакатимизнинг бош жамоасига оддий мухлис сифатида қайғуришимга ҳақлиман деб ўйлайман.

Киритилган сана: 04.03.2013 20:45. Ўкилди: 10000 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР


Asosiy saxifa
© STADION.UZ
Guvohnoma №0917. Berilgan sanasi: 02.12.2013. Muassis: «OSIYO KABEL» MCHJ. Bosh muharrir: Bo‘ronov Olimxo‘ja Azimxo‘ja o‘g‘li. Tahririyat manzili: 100057, Toshkent shahri, Usta Shirin 125. E-mail: admin@stadion.uz
Barcha huquqlar himoyalangan. Sayt materiallaridan to‘liq yoki qisman foydalanilganda veb-sayt manzili ko‘rsatilishi shart.
Blogdagi materiallar uchun blog egasi, xabarlar ostidagi fikrlar uchun foydalanuvchining o‘zi javobgar.


счётчик