"Inter" bosh murabbiyi Stefano Pioli "neradzurri" taklifini ideal vaqtda olganini ma’lum qildi.

"Men "Inter" o‘yinlarini ko‘p yillar davomida muxlis sifatida kuzatib kelar edim, murabbiylik faoliyatimda bir necha marta duch kelganman. Agar mavsum qiziganda jamoaga kelsangiz, natijalar darrov kelavermaydi, bunda xotirjam bo‘la olmaysiz. Bizga aniq va foydali g‘oyalar kerak. Biz aynan shu bilan mashg‘ulmiz.

Nyu-Yorkda bo‘lib turganimda klubdan qo‘ng‘iroq bo‘lib qoldi. Hayotda ayni kerakli vaqtda sodir bo‘ladigan voqealar bo‘lib turadi. Taklif ideal vaqtda tushgan edi. Bu chaqiruvga tayyorman deb o‘yladim, chunki qandaydir tajribalarim bor", - deydi Pioli.