"Интер" бош мураббийи Стефано Пиоли "нерадзурри" таклифини идеал вақтда олганини маълум қилди.
"Мен "Интер" ўйинларини кўп йиллар давомида мухлис сифатида кузатиб келар эдим, мураббийлик фаолиятимда бир неча марта дуч келганман. Агар мавсум қизиганда жамоага келсангиз, натижалар дарров келавермайди, бунда хотиржам бўла олмайсиз. Бизга аниқ ва фойдали ғоялар керак. Биз айнан шу билан машғулмиз.
Нью-Йоркда бўлиб турганимда клубдан қўнғироқ бўлиб қолди. Ҳаётда айни керакли вақтда содир бўладиган воқеалар бўлиб туради. Таклиф идеал вақтда тушган эди. Бу чақирувга тайёрман деб ўйладим, чунки қандайдир тажрибаларим бор", - дейди Пиоли.
