"Arsenal" bosh murabbiyi Arsen Venger jamoa yarimhimoyachisi Granit Jakani himoya qilib chiqdi.
Shveysariyalik futbolchi APLning bu mavsumida 2ta sariq va bitta qizil kartochka olgan va 2014 yildan buyon 8 marta maydondan chetlatilgan.
"Uning o‘yiniga diqqat bilan qarab, uning iflos futbolchi emasligiga ishonch hosil qilasiz. Umuman olganda uning darvozamiz oldidagi harakatlaridan mamnunman. U yakkakurashlarda doim o‘z kuchini ishlatishni yaxshi ko‘radi, to‘pga yugurganda yuqori tezligini namoyish qila oladi. U avvalgidan ko‘ra ko‘proq himoyaga e’tibor qaratmoqda. U bu borada kuchaygan", - deydi Venger.