"Арсенал" бош мураббийи Арсен Венгер жамоа яримҳимоячиси Гранит Жакани ҳимоя қилиб чиқди.
Швейцариялик футболчи АПЛнинг бу мавсумида 2та сариқ ва битта қизил карточка олган ва 2014 йилдан буён 8 марта майдондан четлатилган.
"Унинг ўйинига диққат билан қараб, унинг ифлос футболчи эмаслигига ишонч ҳосил қиласиз. Умуман олганда унинг дарвозамиз олдидаги ҳаракатларидан мамнунман. У яккакурашларда доим ўз кучини ишлатишни яхши кўради, тўпга югурганда юқори тезлигини намойиш қила олади. У аввалгидан кўра кўпроқ ҳимояга эътибор қаратмоқда. У бу борада кучайган", - дейди Венгер.