Машҳур инсайдер Фабрицио Романо ҳужумчи Килиан Мбаппенинг клубни тарк этиши мумкинлиги ҳақидаги миш-мишларга изоҳ берди. Сўнгги пайтларда франциялик футболчидан клуб ичида норозилик борлиги ҳақида маълумотлар кўпаймоқда — унинг ўзини тутиши ҳам раҳбариятга, ҳам жамоадошларига маъқул келмаяпти.

«Бу ҳақиқат, Мбаппенинг «Реал» билан муносабатларида ҳозир энг яхши давр эмас, лекин келинг, бўрттириб юбормайлик. Килиан клубда қолади ва келажакдаги лойиҳанинг бир қисми бўлади — бу 100 фоиз аниқ. Гап фақат унда эмас — клубда бошқа муаммолар ҳам етарли. Вазият ҳамон мураккаблигича қолмоқда», — деди Романо.

27 ёшли ҳужумчининг «қаймоқранглилар» билан шартномаси 2029 йил ўрталаригача амал қилади.