«Vilyarreal» o‘z stadionining nomini o‘zgartirganini e’lon qildi. Endi «El-Madrigal» stadioni «Estadio de la Seramika» deb nomlanadigan bo‘ldi.
Stadionning tashqi tomon sariq rangli keramogranitdan qilindi va uning yoritish tizimi yangilandi. Bir yil ichida «Estadio de la Seramika» stadionida klub muzeyi tashkil etiladi. Arenaning to‘liq rekonstruksiyasi 3-4 yil davomida to‘liq yakunlanadi. Jamoa stadiondan olinadigan yillik daromadni 3-8 million yevroga oshishini kutmoqda.
«Vilyarreal» klubi stadion homiyligi uchun bir qancha kompaniyalar bilan kelishuvga erishdi. Stadionning tashqi tomoniga 7ta kompaniyaning nomi yozildi.
