Futbol bo‘yicha Angliya Kubogi doirasidagi «Vest Hem» va «Manchester Siti» jamoalari o‘rtasidagi uchrashuv vaqtida maydonga O‘rgimchak-odam libosini kiyib olgan muxlis yugurib chiqdi, deya xabar bermoqda TJournal.
O‘rgimchak-odam bir muxlis bilan birga maydonga yugurib chiqqan vaqtda «Manchester Siti» 5:0 hisobida g‘alaba qozonayotgan edi.
Tartibbuzarlar uchrashuv birinchi taymida yuz bergan penalti ishlash voqeasini qayta sahnalashtirishga uringan, shundan so‘ng stadion qo‘riqchilari tomonidan qo‘lga olingan.
O‘yin «Manchester Siti»ning yirik — 5:0 hisobidagi g‘alabasi bilan tugagan. «Shaharliklar» Angliya Kubogi 1/16 finaliga yo‘llanma olgan.
Angliyada 2014 yili ham O‘rgimchak-odam «Manchester Siti» va «Sanderlend» o‘rtasidagi futbol uchrashuvi vaqtida maydonga yugurib chiqqan edi. O‘shanda u «Manchester Siti» o‘yinchilarini «to‘rga tushirish»ga uringan, shu sabab o‘yinni to‘xtatishga to‘g‘ri kelgan.
