"Gent" bosh murabbiyi Xeyn Vanxazebruk Xitoy chempionatida o‘tgan mavsumda 9-o‘rinni egallagan "Yanbyan Fude" klubi bilan o‘rtoqlik uchrashuvi (11:0) taassurotlari bilan o‘rtoqlashdi.
"Xitoy ligasi saviyasi men tasavvur qilganimdan ancha yomon ekan. Qarang: bizga o‘rtoqlik uchrashuvi uchun ikkita jamoa taklif bilan chiqishdi - biri Oliy ligadan, biri ikkinchi ligadan. Oliy liga jamoasini tanlaganimizdan xursandman. Ularning saviyasi Belgiyaning uchinchi divizioni jamoalari bilan teng.
Buning ustiga biz tanaffusdan endi qaytganmiz Ularning tezligi juda past, chiziqlar orasida katta bo‘shliq bor.
Agar xitoyliklar Vitsel va boshqalar bilan liga saviyasini oshirmoqchi bo‘lsalar, juda ko‘p futbolchi kerak bo‘ladi. Bir-ikki yulduz liga saviyasini oshira olmaydi", - deydi Vanxazebruk.
Ta’kidlash joiz, "Yanbyan" - legionerlari yo‘q kam sonli jamoalardan biri.
