"Гент" бош мураббийи Хейн Ванхазебрук Хитой чемпионатида ўтган мавсумда 9-ўринни эгаллаган "Янбянь Фуде" клуби билан ўртоқлик учрашуви (11:0) таассуротлари билан ўртоқлашди.
"Хитой лигаси савияси мен тасаввур қилганимдан анча ёмон экан. Қаранг: бизга ўртоқлик учрашуви учун иккита жамоа таклиф билан чиқишди - бири Олий лигадан, бири иккинчи лигадан. Олий лига жамоасини танлаганимиздан хурсандман. Уларнинг савияси Бельгиянинг учинчи дивизиони жамоалари билан тенг.
Бунинг устига биз танаффусдан энди қайтганмиз Уларнинг тезлиги жуда паст, чизиқлар орасида катта бўшлиқ бор.
Агар хитойликлар Витсель ва бошқалар билан лига савиясини оширмоқчи бўлсалар, жуда кўп футболчи керак бўлади. Бир-икки юлдуз лига савиясини ошира олмайди", - дейди Ванхазебрук.
Таъкидлаш жоиз, "Янбянь" - легионерлари йўқ кам сонли жамоалардан бири.
