«Real» bosh murabbiyi Zayniddin Zidan Ispaniya chempionati doirasida «Sevilya»ga qarshi o‘yin (1:2) borasida o‘z fikrlarini bildirib o‘tdi.

«Biz daqiqaga bo‘shashdik, shuning o‘zi g‘alabani qo‘ldan chiqarish uchun yetarli o‘yin bo‘ldi. O‘yinning borishini inobatga olganda, bunday natijani qabul qilish qiyin, lekin bu futbol. Bu mag‘lubiyat keyingi o‘yinda biz uchun motivasiya bo‘lib xizmat qiladi.

Mag‘lubiyatsiz o‘yinlar seriyasi qachondir yakuniga yetishi mantiqiy holat. Mavsum qiyin bo‘lishini hamisha ta’kidlab kelyapman.

Serxio Ramos? Sardorimiz bilan faxrlanaman. U ajoyib o‘yinni o‘tkazdi, avtogol — futbolning bir qismi. U xarakter namoyish qildi.

«Sevilya» sovringa da’vogar jamoa ekanini namoyish qildi. Biz uchun esa alamli, axir mag‘lubiyatga uchrash hamisha yoqimsiz. Lekin biz o‘yinni tahlil qilamiz va ko‘ramiz, qaysi nuqtamizni kuchaytirishimiz kerak ekan. Sidqidildan ishlashda davom etamiz», – dedi Zidan.