«Реал» бош мураббийи Зайниддин Зидан Испания чемпионати доирасида «Севилья»га қарши ўйин (1:2) борасида ўз фикрларини билдириб ўтди.

«Биз дақиқага бўшашдик, шунинг ўзи ғалабани қўлдан чиқариш учун етарли ўйин бўлди. Ўйиннинг боришини инобатга олганда, бундай натижани қабул қилиш қийин, лекин бу футбол. Бу мағлубият кейинги ўйинда биз учун мотивация бўлиб хизмат қилади.

Мағлубиятсиз ўйинлар серияси қачондир якунига етиши мантиқий ҳолат. Мавсум қийин бўлишини ҳамиша таъкидлаб келяпман.

Серхио Рамос? Сардоримиз билан фахрланаман. У ажойиб ўйинни ўтказди, автогол — футболнинг бир қисми. У характер намойиш қилди.

«Севилья» совринга даъвогар жамоа эканини намойиш қилди. Биз учун эса аламли, ахир мағлубиятга учраш ҳамиша ёқимсиз. Лекин биз ўйинни таҳлил қиламиз ва кўрамиз, қайси нуқтамизни кучайтиришимиз керак экан. Сидқидилдан ишлашда давом этамиз», – деди Зидан.