Chexiyaning Cheska-Trshebova shahrida florbol (zaldagi xokkey) bo‘yicha yoshlar chempionati vaqtida sport zalining tomi quladi. Bu haqda TJournal xabar bermoqda.
Hodisa 14 yanvar kuni yuz bergan. Fox Sports’ning yozishicha, tom qulagan vaqtda zalda 80 ga yaqin odam bo‘lgan, ularning bari tom to‘liq qulaguniga qadar inshootni tark etishga ulgurgan.
Cheska-Trshebova shahri joylashgan Pardubise o‘lkasi gubernatorining Facebook’da yozishicha, qurilish «ehtiyotsizlik» va «mas’uliyatsizlik» bilan olib borilgan, shu sababli «aybdorlar albatta jazolanishi lozim».
Qayd etishlaricha, binoning yuqori qismi tomda yig‘ilib qolgan 16 santimetrlikdagi qorni ko‘tara olmay qolgan bo‘lishi mumkin.
