"Manchester Yunayted"ning sobiq bosh murabbiyi Lui van Gal faoliyatini tugatgani haqidagi xabarlarga izoh berdi.

65 yoshli mutaxassis yozda bir qarorga kelishini ma’lum qildi.

"Yo‘q, yo‘q, yo‘q, men hali faoliyatimni tugatganim yo‘q. Men bir yillik tanaffus oldim, shundan so‘ng bir qarorga kelaman. Faoliyatimni tugatish ehtimolim bor, ammo qat’iy emas. Gollandiyada matbuot nima xohlasa shuni yozadi. Men ularga faoliyatimni tugatishim mumkinligi, ammo hozir buning vaqti kelmaganini aytgandim. Hammasi menga tushadigan taklifga bog‘liq.

Iyulda bir qarorga kelaman. Ispaniyaga qaytishim mumkin edi, bir oy avval chamasi "Valensiya" taklif qilgan edi, men rad javobini berdim. Ammo Ispaniyaga qatish ehtimolini inkor qilmayman. O‘zimni qanday his qilaman ekan, ko‘ramiz", - deydi Lui van Gal.