"Манчестер Юнайтед"нинг собиқ бош мураббийи Луи ван Гал фаолиятини тугатгани ҳақидаги хабарларга изоҳ берди.
65 ёшли мутахассис ёзда бир қарорга келишини маълум қилди.
"Йўқ, йўқ, йўқ, мен ҳали фаолиятимни тугатганим йўқ. Мен бир йиллик танаффус олдим, шундан сўнг бир қарорга келаман. Фаолиятимни тугатиш эҳтимолим бор, аммо қатъий эмас. Голландияда матбуот нима хоҳласа шуни ёзади. Мен уларга фаолиятимни тугатишим мумкинлиги, аммо ҳозир бунинг вақти келмаганини айтгандим. Ҳаммаси менга тушадиган таклифга боғлиқ.
Июлда бир қарорга келаман. Испанияга қайтишим мумкин эди, бир ой аввал чамаси "Валенсия" таклиф қилган эди, мен рад жавобини бердим. Аммо Испанияга қатиш эҳтимолини инкор қилмайман. Ўзимни қандай ҳис қиламан экан, кўрамиз", - дейди Луи ван Гал.
