Лондоннинг «Арсенал» клуби Англия Премьер-лигасида бурчак зарбаларидан гол уриш бўйича тарихий натижани қайд этди.
АПЛнинг 34-тури доирасида кечаётган «Ньюкасл»га қарши баҳснинг 9-дақиқасида Эберечи Эзе жарима майдони ташқарисидан рақиб дарвозасини ишғол қилиб, ҳисобни очди. Ушбу гол бурчак зарбаси ўйинга киритилгандан сўнг юзага келди.
Шу тариқа, «канонирлар» жорий мавсумда бурчак тўпларидан урилган голлари сонини 17 тага етказиб олишди. Бу турнир тарихидаги энг юқори кўрсаткичдир. Бунгача рекорд «Арсенал»нинг ўзига (2023/24 йилги мавсумда 16 та гол), шунингдек, «Олдҳэм» (1992/93) ва «Вест Бромвич» (2016/17) клубларига тегишли эди.
