Italiya futbol federasiyasi Klaudio Ranyerini shon-shuhrat zaliga kiritdi, deb xabar bermoqda VVS.

Murabbiy «Lester» bilan Angliya chempioni bo‘lgani sabali, shunday e’tirofga sazovor bo‘ldi. Avvalroq u FIFA tomonidan yilning eng yaxshi murabbiyi deb topilgan edi.

Undan tashqari, shon-shuhrat zaliga Juzeppe Bergomi («Inter» himoyachisi), Paulo Roberto Falkao («Roma» futbolchisi), Silvio Berluskoni («Milan» prezidenti), Grasiano Sezari (hakam), Paolo Rossi («Yuventus» hujumchisi), Melaniya Gabbiadini, Nils Lindxolm («Milan» hujumchisi), Chezare Maldini («Milan» himoyachisi) va Julio Kampanati (hakam) ham kiritildi.