«Vest Hem» yarimhimoyachisi Dimitri Payet jamoa safida boshqa maydonga tushmasligi mumkin.
London klubining yetakchi futbolchilari Payetni jamoadan ketishini talab qilmoqda. Ayni paytda «Vest Hem» futbolchiga yoshlar jamoasida mashg‘ulot o‘tkazishni taklif qilgan.
Klub rahbariyati futbolchini olib qolishdan umidini uzgan. Hozirgi kunda «Marsel» klubi futbolchining transferi uchun 26 mln funt taklif qilmoqda. «Vest Hem» esa 35 mln funt talab qilmoqda.
Payetning agenti «Marsel» bilan shaxsiy shartnoma borasida kelishib olgan.
