Ispaniyalik jurnalist Sem Marsdenning xabariga ko‘ra, britaniyaning Coach nashrida e’lon qilingan Messining gaplari yolg‘on.
Xususan, Messining: «Men «Barselona»da, klub qancha muddat davomida to‘p surishimni xohlasa, shuncha vaqt o‘ynayman» - degan so‘zlari Sky Sports, Telegraph, A Bola, ESPN, beIN SPORTS, SportBILD va boshqa nufuzli nashrlar tomonidan dunyoga yoyilgan edi. Ammo bu gaplar haqiqatdan yiroq ekani oydinlashdi.
«Barselona» klubi Messining bu gaplari uydirma ekanini, futbolchi bu haqda gapirmaganini tasdiqladi» - deb yozdi Marsden «Tvitter» sahifasida.
Ayni paytda Coach nashri bu intervyuni o‘z saytidan olib tashlagan. «Intervyuning haqiqatga yaqin ekani shubha uyg‘otmoqda. Biz bu borada surishtiruv o‘tkazamiz» - deyiladi nashr bayonotida.
