Испаниялик журналист Сэм Марсденнинг хабарига кўра, британиянинг Coach нашрида эълон қилинган Мессининг гаплари ёлғон.
Хусусан, Мессининг: «Мен «Барселона»да, клуб қанча муддат давомида тўп суришимни хоҳласа, шунча вақт ўйнайман» - деган сўзлари Sky Sports, Telegraph, A Bola, ESPN, beIN SPORTS, SportBILD ва бошқа нуфузли нашрлар томонидан дунёга ёйилган эди. Аммо бу гаплар ҳақиқатдан йироқ экани ойдинлашди.
«Барселона» клуби Мессининг бу гаплари уйдирма эканини, футболчи бу ҳақда гапирмаганини тасдиқлади» - деб ёзди Марсден «Твиттер» саҳифасида.
Айни пайтда Coach нашри бу интервьюни ўз сайтидан олиб ташлаган. «Интервьюнинг ҳақиқатга яқин экани шубҳа уйғотмоқда. Биз бу борада суриштирув ўтказамиз» - дейилади нашр баёнотида.
