Qishki transferlar mavsumi bo‘lishiga qaramasdan Evropaning grand klublari bir qator muhim haridlarni amalga oshirib ulgurishdi. Yaqindagina “PSJ” o‘z safiga Jahon chempioni Drakslerni qo‘shib oldi. “Manchester Siti” esa yirik transferlarga qo‘l urishini ko‘plab futbol nashrlari bot-bot takrorlashmoqda.

Odatda, yirik haridlarni yozgi transfer oyida amalga oshirishga odatlangan grand jamoalar chempionatlaridagi kuchli raqobatlar tufayli yanvar oyida futbol olamidagi muhim haridlarni amalga oshirish payida. “YUventus” jamoasi ham bundan mustasno emasdek. Klub Paulo Dibala – Gonsalo Iguain duetini Aleksis Sanches bilan to‘ldirib, shiddatli hujum uchligiga aylantirmoqchi. Bu transferni amalga oshirish uchun esa jamoa futbolchining transferiga Miralem Pyanichni ham kiritmoqchi.

«Arsenal» bilan amaldagi shartnomasi tugashiga bir yarim yil qolganida Aleksis Sanches transfer bozoridagi talabgor futbolchiga aylandi. Uning to‘pchilar safida ko‘rsatayotgan ajoyib o‘yinlari bunga sabab bo‘lmoqda. Aleksisning transferiga jiddiy qiziqish bildirayotgan klub faqatgina “YUventus” emas. Chililik futbolchini “PSJ», “Manchester Siti” va “CHelsi” jamoalari ham o‘z safida ko‘rishni istamoqda.

Londonliklarning etakchilaridan biri bo‘lgan Aleksis Italiyada yana o‘z kuchini sinab ko‘rishi mumkin. “Barselona”ga ko‘chib o‘tishdan oldin 2008-2011-yillar oralig’ida «Udineze» safidagi ko‘rsatgan o‘yinlari muxlislarning yodida.

Tuttosport nashriga ko‘ra, turinliklar Aleksisni olib kelish uchun transferga Miralem Pyanichni ham qo‘shmoqchi. O‘tgan mavsumda “Roma”dan kelib qo‘shilgan bosniyalik futbolchiga “Arsenal” jamoasi ham qiziqishgan edi. O‘z navbatida “keksa sinyora”ning sport direktori Juzeppe Marotta bosniyalik futbolchini jamoada olib qolish istagida.