Dimitri Payet «Vest Hem» klubiga tahdid solmagani aniqlandi.
Avvalroq, Football France sayti Dimitri Payetning: «Agar «Vest Hem» meni qo‘yib yubormasa, tizzamni jarohatlayman (bu jarohatdan tiklanib olish uchun 6-10 oy vaqt kerak bo‘ladi). Men erkin odamman va kelajagimni tanlash huquqiga egaman. Qasam ichamanki, «Vest Hem» futbolkasini boshqa kiymayman» - degan gaplarini tarqatgan edi.
Aslida esa bu gaplar uydirma bo‘lib chiqdi. Ayni paytda Payet «Marsel» klubiga o‘tishni istamoqda va klubdan o‘zini qo‘yib yuborishni talab qilgan. Ammo hech qanday tahdid solmagan.
