"Manchester Yunayted" bosh murabbiyi Joze Mourinyo qishki transferlar chog‘ida jamoa yangi futbolchilarni sotib olmasligini ma’lum qildi.
"Uchta musobaqada qatnashuvimizni davom ettirsak ham, qo‘l ostimizdagi tarkibdan qoniqyapmiz. Bunga shubhasiz ishonaman. Aprel va may oylarida bizda qo‘shimcha o‘yinlar ko‘payadi, biz payshanba kuni Yevropa ligasida o‘ynasak, yakshanba kuni APL o‘yinlarini o‘tkazamiz. Hech kim bizning o‘yinlarimizni dushanbaga ko‘chirib bermaydi.
Xaridlar uchun eng qulay payt - yoz ekanligini avval ham ta’kidlab kelganman. Qishki transferlar faqat favqulodda holatlar uchun. Buning ustiga qishda kelishish juda qiyin", - deydi Mourinyo.
