"Манчестер Юнайтед" бош мураббийи Жозе Моуриньо қишки трансферлар чоғида жамоа янги футболчиларни сотиб олмаслигини маълум қилди.
"Учта мусобақада қатнашувимизни давом эттирсак ҳам, қўл остимиздаги таркибдан қониқяпмиз. Бунга шубҳасиз ишонаман. Апрель ва май ойларида бизда қўшимча ўйинлар кўпаяди, биз пайшанба куни Европа лигасида ўйнасак, якшанба куни АПЛ ўйинларини ўтказамиз. Ҳеч ким бизнинг ўйинларимизни душанбага кўчириб бермайди.
Харидлар учун энг қулай пайт - ёз эканлигини аввал ҳам таъкидлаб келганман. Қишки трансферлар фақат фавқулодда ҳолатлар учун. Бунинг устига қишда келишиш жуда қийин", - дейди Моуриньо.
