«Real» sardori Serxio Ramos «Malaga» (2:1) klubiga qarshi o‘yinda fanatlar tomonidan o‘z futbolchilariga nisbatan hushtakbozlik qilinishiga izoh berdi.
«Fanatlarning talabi birinchi o‘rinda turishi lozim, bunga ishonchim komil. Stadionimizda barcha futbolchilarga nisbatan hushtakbozlik qilingan. Bu bilan muxlislar jamoaga qiyin bo‘lgan paytda yordam berishga urinishgan. Ammo aynan hozir biz ularning daldasiga muhtojmiz.
Biz muxlislar talabini bilamiz va ularni har doim xursand qilishga harakat qilamiz. Barchamiz birgalikda g‘alabalarga intilishimiz lozim» - dedi Ramos AS xabarida.
