Italiyaning o‘tmishdagi mashhur hujumchisi Fabrisio Ravanelli vatandoshi Antonio Kontening ishi haqida o‘z fikrlari bilan o‘rtoqlashdi.

«Men «Chelsi»ning qarorgohiga borib, Kontening ishi bilan tanishdim. U – murabbiylikka mukkasidan ketgan inson ekan.

Antonio – ajoyib mutaxassis va «Chelsi»ning har bir futbolchisi uning buyruqlarini yaxshi tushunadi. Murabbiy bo‘lishidan oldin ham u ajoyib, rostgo‘y inson edi. Agar olijanob bo‘lsang, yaxshi murabbiy bo‘lish qiyinmas.

U futbolchi sifatida juda ko‘p sovrinlarni yutib olgan. Uning irodasi kuchli, bu murabbiy uchun juda muhim.

Kontening qo‘l ostida hamma ishni bekamu ko‘st bajarish talab qilinadi – hayotda ham, maydonda ham» - dedi Ravanelli.