Италиянинг ўтмишдаги машҳур ҳужумчиси Фабрицио Раванелли ватандоши Антонио Контенинг иши ҳақида ўз фикрлари билан ўртоқлашди.

«Мен «Челси»нинг қароргоҳига бориб, Контенинг иши билан танишдим. У – мураббийликка муккасидан кетган инсон экан.

Антонио – ажойиб мутахассис ва «Челси»нинг ҳар бир футболчиси унинг буйруқларини яхши тушунади. Мураббий бўлишидан олдин ҳам у ажойиб, ростгўй инсон эди. Агар олижаноб бўлсанг, яхши мураббий бўлиш қийинмас.

У футболчи сифатида жуда кўп совринларни ютиб олган. Унинг иродаси кучли, бу мураббий учун жуда муҳим.

Контенинг қўл остида ҳамма ишни бекаму кўст бажариш талаб қилинади – ҳаётда ҳам, майдонда ҳам» - деди Раванелли.