Gabon terma jamoasi hujumchisi Pyer-Emerik Obameyang Afrika millatlari kubogidagi muvaffaqiyatsiz ishtirokidan xafa bo‘ldi.
Jamoa Kamerunga qarshi o‘yinda 0:0 hisobidagi durangni qayd etgach, guruhdan chiqolmagandi.
«Biz guruhdan chiqishimiz mumkin edi, juda ko‘p vaziyatlar bo‘ldi... Afsuski o‘yinimiz chifmagan kunlar ham bo‘lib turadi. Shaxsan o‘zim ikki metrdan gol urolmadim. To‘p darvoza ustuniga ham tegdi, raqib darvozaboni zo‘r o‘ynadi...
Biz guruhda boshqa jamoalardan kuchli edik. Ammo tayyorgarlik, murabbiyning o‘zgarishi... Bizga oson bo‘lmadi» - dedi Obameyang Goal xabarida.
Eslatib o‘tamiz, "A" guruhidan Kamerun va Burkina-Faso keyingi bosqichga chiqdi.
