Габон терма жамоаси ҳужумчиси Пьер-Эмерик Обамеянг Африка миллатлари кубогидаги муваффақиятсиз иштирокидан хафа бўлди.
Жамоа Камерунга қарши ўйинда 0:0 ҳисобидаги дурангни қайд этгач, гуруҳдан чиқолмаганди.
«Биз гуруҳдан чиқишимиз мумкин эди, жуда кўп вазиятлар бўлди... Афсуски ўйинимиз чифмаган кунлар ҳам бўлиб туради. Шахсан ўзим икки метрдан гол уролмадим. Тўп дарвоза устунига ҳам тегди, рақиб дарвозабони зўр ўйнади...
Биз гуруҳда бошқа жамоалардан кучли эдик. Аммо тайёргарлик, мураббийнинг ўзгариши... Бизга осон бўлмади» - деди Обамеянг Goal хабарида.
Эслатиб ўтамиз, "А" гуруҳидан Камерун ва Буркина-Фасо кейинги босқичга чиқди.
