«Buxoro» klubi murabbiylar shtabida o‘zgarish yuz berdi.

Bosh murabbiy Jamshid Saidov va maslahatchi mutaxassis Tachmurod Agamurodov o‘z vazifasidan ozod etildi.

Murabbiylarning nima sababdan ishdan olingani ma’lum emas.

«Buxoro» futbol klubi 2016 yilgi mavsumni 4-o‘rinda yakunlab, mamlakatning eng ko‘p karra chempioni «Paxtakor»ni ortda ham qoldirgandi. O‘zbekiston kubogida esa yarim finalga qadar yetib borgandi. Bu natijalar buxorolik futbol muxlislarini stadionga qaytarib, jamoa yil yakunlariga ko‘ra ishqiboz to‘plash borasida O‘zbekistonda eng yaxshi natijani qayd etgandi.