«Бухоро» клуби мураббийлар штабида ўзгариш юз берди.
Бош мураббий Жамшид Саидов ва маслаҳатчи мутахассис Тачмурод Агамуродов ўз вазифасидан озод этилди.
Мураббийларнинг нима сабабдан ишдан олингани маълум эмас.
«Бухоро» футбол клуби 2016 йилги мавсумни 4-ўринда якунлаб, мамлакатнинг энг кўп карра чемпиони «Пахтакор»ни ортда ҳам қолдирганди. Ўзбекистон кубогида эса ярим финалга қадар етиб борганди. Бу натижалар бухоролик футбол мухлисларини стадионга қайтариб, жамоа йил якунларига кўра ишқибоз тўплаш борасида Ўзбекистонда энг яхши натижани қайд этганди.
