Ispaniya Oliy sudi «Real» klubi tomonidan Kataloniya telekanali ustidan berilgan shikoyat va da’vo arizasini qoniqtirmadi.

2013 yilda telekanal «Real» futbolchilarini sirtlon ko‘rinishida, Pepeni esa odamxo‘r kinoqahramon Gannibal Lekter obrazida namoyish qilgan edi. Shundan so‘ng, Madrid klubi sudga murojaat qilgan va mahalliy sudda 20 ming yevro yutib olgandi.

Biroq, madridliklar bu jazoni yumshoq deb hisobladi va 6 mln yevro talab qilib, Oliy sudga murojaat qilishdi.

Oliy sudning bu borada o‘tkazilgan mahkamasida mahalliy sud qarori bekor qilindi. Shuningdek «Real»ning da’vosi ham qondirilmadi. Telekanal o‘z ishida «qonun doirasidan» chetga chiqmagani va «Real» - «Barselona» o‘rtasidagi qarama-qarshilik hazilomuz shaklda namoyish etilgani ta’kidlandi.