Испания Олий суди «Реал» клуби томонидан Каталония телеканали устидан берилган шикоят ва даъво аризасини қониқтирмади.
2013 йилда телеканал «Реал» футболчиларини сиртлон кўринишида, Пепени эса одамхўр киноқаҳрамон Ганнибал Лектер образида намойиш қилган эди. Шундан сўнг, Мадрид клуби судга мурожаат қилган ва маҳаллий судда 20 минг евро ютиб олганди.
Бироқ, мадридликлар бу жазони юмшоқ деб ҳисоблади ва 6 млн евро талаб қилиб, Олий судга мурожаат қилишди.
Олий суднинг бу борада ўтказилган маҳкамасида маҳаллий суд қарори бекор қилинди. Шунингдек «Реал»нинг даъвоси ҳам қондирилмади. Телеканал ўз ишида «қонун доирасидан» четга чиқмагани ва «Реал» - «Барселона» ўртасидаги қарама-қаршилик ҳазиломуз шаклда намойиш этилгани таъкидланди.
