O‘zbekiston milliy chempionati yo‘lga qo‘yilganiga ham chorak asrdan o‘tdi. Albatta, ortda qolgan bu vaqtda futbolimizning o‘ziga yarasha qahramonlari bilan tanishdik, turli statistik rekordlar qayd etildi.
Xususan, yildan-yilga Gennadiy Krasniskiy nomidagi to‘purarlar klubi a’zolari safi kengayib boryapti. Ma’lumot o‘rnida eslatish joiz, 100ta gol marrasiga yetgan futbolchilar ushbu faxriy klub a’zosiga aylanishadi. Aniqroq aytsak, oliy liga, O‘zbekiston kubogi, milliy jamoa va Osiyo kuboklari o‘yinlarida 100ta gol urgan to‘purar elit ro‘yxatdan joy oladi. Hozirgacha bu marrani zabt etish jami 36 nafar futbolchiga nasib etgan.
Ular orasida hamon futbolchilik faoliyatini davom ettirayotgan Anvar Berdiyev peshqadamlik qilyapti - jami 284ta gol. E’tiborlisi, u eng yaqin ta’qibchisi - Zafar Xolmurodovni naq 44ta golga ortda qoldiryapti. Demakki, Berdiyevning yetakchilik mavqesi ancha mustahkam. Zero, faqat amaldagi futbolchilarni hisobga olsak, unga eng yaqini 12-o‘rinda borayotgan Server Jeparovdir. «Lokomotiv» yetakchisining hisobida 157ta gol bor. Umuman, hozirda Berdiyev natijasini yangilashga qodir goleador ko‘rinayotgani ham yo‘q. Endi faxriy klubning yuqori 10ta pog‘onasida borayotgan to‘purarlar va ularning natijasi bilan fotojamlanma vositasida tanishib chiqamiz. Shuning barobarida qolgan a’zolar ro‘yxatini ham ko‘rib chiqamiz.
1-o‘rin. Anvar BERDIYEV - 284ta gol (chempionatda: 224ta, milliy kubokda: 46ta, terma jamoada: 2ta, Osiyo kuboklarida: 12ta). O‘ynagan jamoalari: «Mash’al», «Nasaf», «Neftchi», «Bunyodkor», «Andijon»
2-o‘rin. Zafar XOLMURODOV - 240ta gol (chempionatda: 200ta, milliykubokda: 34ta, terma jamoada-, Osiyo kuboklarida: 6ta). O‘ynagan jamoalari: «Nasaf», «Mash’al», «Dinamo», «Xorazm», «Olmaliq»
3-o‘rin. Anvar SOLIYEV - 230ta gol (chempionatda: 164ta, milliy kubokda: 36ta, terma jamoada: 8ta, Osiyo kuboklarida: 22ta). O‘ynagan jamoalari: «Navbahor», «Paxtakor», «Bunyodkor», «Nasaf»
4-o‘rin. Shuhrat MIRXOLDIRSHOYEV - 224ta gol (chempionatda: 194ta, milliy kubokda: 25ta, terma jamoada:-, Osiyo kuboklarida: 5ta). O‘ynagan jamoalari: «Navbahor», «Mash’al», «Andijon», «Nasaf»
5-o‘rin. Ja’far IRISMETOV - 216ta gol (chempionatda: 174ta, milliy kubokda: 27ta, terma jamoada: 15ta, Osiyo kuboklarida: -). O‘ynagan jamoalari: «Politotdel», «Samarqand», «Paxtakor», «Andijon», «Sho‘rtan», «Qizilqum», «Navbahor»
6-o‘rin. Ravshan BOZOROV - 206ta gol (chempionatda: 171ta, milliy kubokda: 23ta, terma jamoada: 5ta, Osiyo kuboklarida: 7ta). O‘ynagan jamoalari: «Neftchi», «Paxtakor», «Samarqand», «To‘palang», «Lokomotiv», «Navbahor»
7-o‘rin. Baxtiyor HAMIDULLAYEV - 197ta gol (chempionatda: 178ta, milliy kubokda: 15ta, terma jamoada: 3ta, Osiyo kuboklarida: 1ta). O‘ynagan jamoalari: «Shahrixon», «Andijon», «Paxtakor», «Neftchi», «Olmaliq»
8-o‘rin. Oybek USMONXO‘JAYEV - 194ta gol (chempionatda: 157ta, milliy kubokda: 35ta, terma jamoada: 1ta, Osiyo kuboklarida: 1). O‘ynagan jamoalari: «Navbahor», «Nurafshon», MHSK, «Do‘stlik», «Samarqand-D», «Lokomotiv»
9-o‘rin. Umid ISOQOV - 189ta gol (chempionatda: 171ta, milliy kubokda: 12ta, terma jamoada: 3ta, Osiyo kuboklarida: 3ta). O‘ynagan jamoalari: «Neftchi», «Paxtakor», «Samarqand-D», «Andijon», «Nasaf», «Qizilqum», «Xorazm»
10-o‘rin. Rustam DO‘RMONOV - 170ta gol (chempionatda: 133ta, milliy kubokda: 25ta, terma jamoada: 2ta, Osiyo kuboklarida: 10ta). O‘ynagan jamoalari: «Neftchi», «Paxtakor»
«100»lik klubining Qolgan a’zolari
№ Futbolchi, jamoalari Ch K T OK Jami
11. Farid XABIBULLIN 131 35 - - 166
«Kosonsoychi», «Navbahor», «Do‘stlik», «Qizilqum», «Andijon», «Metallurg», «So‘g‘diyona», «Samarqand-D»
12. Server JEPAROV 111 10 25 11 157
«Navbahor», «Paxtakor», «Bunyodkor», «Lokomotiv»
13. No‘’mon HASANOV 125 22 5 1 153
«Paxtakor», MHSK, «Do‘stlik», «Nasaf», «Qo‘qon-1912», «Traktor», «Sho‘rtan», «So‘g‘diyona», «Lokomotiv»
14. Zayniddin TOJIYEV 102 30 4 13 149
«Akademiya», «Paxtakor», «Sho‘rtan», «Lokomotiv», «Neftchi», «Dinamo», «Buxoro»
15. Muxtor QURBONOV 128 19 - - 147
«Temiryo‘lchi», MHSK, «Navbahor», «Do‘stlik», «Paxtakor», «Neftchi», «Metallurg», «Qizilqum», «Sho‘rtan», «Traktor», «So‘g‘diyona»
16. Oleg SHASKIX 105 22 9 8 144
«Paxtakor», «Politotdel», «Navbahor»
17. Shuhrat RAHMONQULOV 108 19 5 2 134
«Temiryo‘lchi»|«Qo‘qon-1912», MHSK, «Navbahor», «Paxtakor», «Nasaf», «Do‘stlik», «Samarqand-D»
18. Ne’matullo QUTIBOYEV 106 17 5 3 131
«Orol», «Neftchi», «Semurg‘», «Paxtakor», «Qizilqum», «Xorazm»
19. Nosir OTAQO‘ZIYEV 109 11 - 4 124
«Neftchi», «Navbahor», «Olmaliq», «Nasaf», «Guliston», «Qo‘qon-1912»
20-21. Leonid KOSHELEV 91 15 6 11 123
«Navbahor», «Paxtakor», «Dinamo», «Sho‘rtan», «Qizilqum»
20-21. Shuhrat MAQSUDOV 82 21 11 9 123
«Paxtakor», «Neftchi»
22. Mirjalol QOSIMOV 58 30 30 4 122
«Paxtakor», «Mash’al»
23. Aleksandr GEYNRIX 73 12 31 5 121
«Do‘stlik», «Paxtakor», «Lokomotiv»
24. Akmal XOLMATOV 89 20 - 8 117
«Neftchi», «Paxtakor», «Lokomotiv»
25. Vali KELDIYEV 104 9 - 2 115
«Navbahor», «Nurafshon», «Surxon», «Nasaf», «To‘palang»
26. Artur GEVORKYAN 91 14 - 8 113
«Sho‘rtan», «Paxtakor», «Nasaf», «Lokomotiv»
27. Igor TARAN 87 21 - 3 111
«Sho‘rtan», «Andijon», «Nasaf»
28. Bahriddin VAHOBOV 88 22 - - 110
«Surxon», «Paxtakor», «Mash’al», «Sho‘rtan», «Qizilqum», «Buxoro»
29. Sergey NI 87 18 - 2 107
«Temiryo‘lchi», «Neftchi», «Mash’al», «Samarqand-D», «Lokomotiv»
30-31. Sobir XODIYEV 77 22 - 7 106
«Traktor», «Paxtakor»
30-31. Shahboz ERKINOV 90 13 - 3 106
«So‘g‘diyona», «Paxtakor», «Sho‘rtan», «Olmaliq», «Navbahor», «Mash’al», «Nasaf»
32-33. Ilhom MO‘MINJONOV 91 11 - - 102
«Traktor», «Navbahor», «Lokomotiv», «Bunyodkor»
32-33. Dilshod O‘RMONOV 85 17 - - 102
«Traktor», «Neftchi», «Metallurg»
34-35. Azamat ABDURAIMOV 72 17 10 2 101
«Navbahor», «Paxtakor», «Do‘stlik», «NBU-Osiyo»
34-35. Marsel IDIATULLIN 89 12 - - 101
«Qizilqum», «Lokomotiv»
36. Farhod TOJIYEV 77 16 5 2 100
«Paxtakor», «Dinamo», «Lokomotiv», «Olmaliq»
-----------------------------------------------------------------------------------------------------------
Izoh: Ch - O‘zbekiston chempionati oliy ligasi; K - O‘zbekiston kubogi;
T - terma jamoa; OK - Osiyo kuboklari.
