Rio-de-Janeyro shahrida, Braziliya va Kolumbiya terma jamoalari o‘rtasida, aviahalokatda nobud bo‘lgan «Shapekoense» klubi xotirasiga bag‘ishlangan o‘rtoqlik o‘yini o‘tkazildi.
Unda, 47-daqiqada Dudu tomonidan urilgan yagona gol evaziga mezbonlar g‘alaba qozonishdi.
Braziliya terma jamoasi tarkibida ichki chempionatda ishtirok etuvchi futbolchilar ishtirok etdi. O‘yindan tushgan barcha mablag‘lar aviahalokat qurbonlarining oilalariga tarqatildi.
Ma’lumot o‘rnida, o‘tgan yili noyabr oyida Kolumbiyada yuz bergan aviahalokat natijasida "Shapekoense" klubining deyarli barcha a’zosi nobud bo‘lgan edi.
