11 yanvar kuni «Manchester Siti» klubi Angliya futbol assosiasiyasi tomonidan antidoping qoidalarini buzganlikda ayblangan edi.
Gap shundaki, klub doping nazoratidan o‘tishi lozim bo‘lgan futbolchilarning manzili haqida noto‘g‘ri ma’lumot bergan. Natijada, antidoping tashkiloti xodimlari ko‘rsatilgan manzilda futbolchilarni topmagan. Bu narsa antidoping qoidalarini qo‘pol ravishda buzish deb talqin qilinadi. Qoidaga ko‘ra, klub o‘z futbolchilarining istiqomat qilayotgan manzili haqida haqqoniy va aniq ma’lumotlarni taqdim qilishi shart.
Sky Sports xabariga ko‘ra, klub aybini to‘liq tan olgan. Endi uni katta miqdorda jarima kutmoqda.
