21 yanvar kuni ayollar o‘rtasidagi Osiyo Kubogi–2018 saralash bosqichiga qur’a tashlandi. Qur’a natijasiga ko‘ra, O‘zbekiston ayollar terma jamoasi “B” guruhidan joy oldi. Mazkur guruhda terma jamoa Janubiy Koreya, Gonkong, Hindiston va KXDR ayollar termasiga qarshi bahs olib boradi.
O‘zbekiston ayollar terma jamoasi 3-11 aprel kunlari saralash uchrashuvlarini o‘tkazadi.
Ushbu musobaqaga tayyorgarlik yuzasidan, Sherali Boboqulov boshchiligidagi terma jamoa 1-10 fevral kunlari Bekobod shahrida navbatdagi o‘quv-yig‘in mashg‘ulotlarini o‘tkazadi.
Mazkur yig‘inga “Sevinch” jamoasining 6 nafar futbolchisi taklif etildi, bular Laylo Tilavova, Maftuna Jonimqulova, Kamola Riskiyeva, Maftuna Shoyimova, Malika Burxonova, Nilufr Qudratovadir.
Eslatib o‘tamiz, ayni kunlarda Qarshi shahrida yangi mavsum tayyorgarliklarini olib borayotgan “Sevinch” jamoamiz, 12 fevral kunlari Toshkentga boradi. U yerda ayollar o‘rtasidagi mini futbol bo‘yicha XIII O‘zbekiston chempionatining 2-tur uchrashuvlarida maydonga tushadi.
