«Real» muxlislari Ispaniya chempionatining 20-turidan o‘rin olgan «Real Sosyedad» klubiga qarshi o‘yinda o‘z futbolchilarini iliq kutib olishmadi.

AS xabariga ko‘ra, o‘yindan oldin, stadion suhandoni tarkibni e’lon qilayotgan paytda, Krishtianu Ronalduning ismi tilga olinganida muxlislar ommaviy hushtakbozlikni uyushtirgan. Bundan tashqari Karim Benzema va Danilo ham shunday «sharaf»ga loyiq ko‘rilgan.

Bundan tashqari, 23-daqiqada, Ronaldu to‘pni yo‘qotgan vaziyatda muxlislar yana hushtakbozlik qilishgan. Futbolchi esa ularga qarab, «ablahlar» degan so‘zni ishlatgan.

Eslatib o‘tamiz, «Real» o‘yinda 3:0 hisobida g‘alaba qozongan, Ronaldu esa gollardan birini urgan edi.